(चाल : हटातटाने पटा रंगवुनि...)

विराटपुरुषा ! तुझे स्वरुप हे , पाहण्यासाठी अम्ही I

जाहलो जिव धैर्याने कमी ॥धृo।।

उग्र रुपाचा जबडा असला कधीच ना पाहिला I

जवळ जो हृदयाशी पातला ।।

महाकाळ विक्राळ मुखाडे पसरी  भूमीवरी I

करोड़ो लाखो जिव संहरी ।।

( अंतरा) भारती ऐकिला असेल कोणीतरी ।

परि आज दिसे जो बघता जिव घाबरी I

हा देव असे की असेल काळापरी ?

घाबरले जनलोक पाहूनी शहाणे झाले भ्रमी I

सुचेना उदासले आश्रमी ॥१॥

अनन्तमुख  ! हे अनन्तबाहो  ! अनन्त शस्त्रे तुझी I

पाहण्या नेत्र पुरति ना अजी ॥

खळबळल्या सागरापरी तव उठती लाटा किती !

ऐकता गुंग होतसे मती ॥