(चाल : अब तेरे सिवा कौन..)

गेलेत तुम्ही योग्य वेळ काळ पाहूनी ।

फुटके नशीब आमुचेचि जन्मलो अम्ही ॥धृ०॥

बुध्दी दिली तरी न बुध्दिचा विकास हा ।

केलेत यत्नही तरी चुके न त्रास हा I

कोणास सांगण्या न रीघही असे उणी ।  फुटके नशीब 0 ॥१॥

घरचे सुखी असु परी न अन्न खावया ।

मग दान द्यावया कुठे नि चैन व्हावया ।

मरु द्या असेचि कोण घेत काळजी मनीं । फुटके नशीबo॥२॥

कुठली पुजा नि आरती तशीच किर्तने ? ।

कुठले जपास स्थान देवळे नि तीर्थने ।

बस बंद करो बंद करो ये सदा    ध्वनी । फुटके नशीब 0 ॥३॥

मिळतील पिंड का तुम्हास आमुच्या करा ?

गुलाम पुत्र म्हणुनि द्याल काय आसरा ।

आशीश द्या जगास सौख्य लाभवो कुणी |फुटके नशीब0॥४॥

कोणा न दुःख हो असेचि कार्य आपुले ।

केले तुम्हीच धन्य ते तुम्हांस साधले ।

तुकड्या म्हणे अम्हा तसे करा बरे गुणी । फुटके नशीब 0॥५॥