(चाल : मन शुद्ध तुझ गोष्ट आहे .. )

चल उठ धीट होई भीती सोड जनाची ।

भक्ति करावयास शरम आली कशाची ? ।

लाज कोणती याची ? ॥ धृ 0॥

घे खंजिरी हाती नि नीट बैस आसनी ।

लावोनि ध्यान श्रीहरीसि आळवी मनी ॥

जे सत्य असे बोल जगी भावना साची । भक्ति करा ० ॥१॥

दुर्व्यसना सोडुनि दे आळसा न घे ।

कार्य करी निर्भयता धरुनि पाय घे ॥

तू चाल पुढे वाट लाट हरुनि विषाची । भक्ति करा ० ॥२॥

रंक असो राव असो वा असो कुणी I

मागण्यास जाउ नको मागण्या जनी ॥

हाक घे तुकड्याचि वाट सुधर यशाची । भक्ति करा 0 ॥३॥