(चाल : सुजन हो ! परिसा रामकथा..)

सुजन हो  ! ऐका कर्म कथा ।

सोडुनी आणिक विरह-व्यथा ॥धृ०॥

लोपला वीर हनुमान अर्पुनी प्राण राम कार्यासी ।

ते कार्यचि आहे आज उभे हृदयाशी ॥१॥

व्यक्तिचे प्रेम का तुम्हा ? मार्ग नच क्रमा कर्म करण्यासी ।

तो आजहि आहे राम आपणापाशी ॥२॥

हरवली आजही सिता कसे पाहता ऐकता कानी ?

व्हा उभे धर्म-रक्षणा बना अभिमानी ॥४॥

वाचता पुराणे किती ? आपुली मती भ्रष्ट ती झाली I

म्हणूनीच भारता अशी दुर्दशा आली ॥४॥

या चला करू प्रार्थना जगज्जीवना जगा सुखवाया ।

तुकड्याची ऐकूनी हाक उठा सत् कार्या ॥५॥