(चाल : रक्ष रक्ष ईश्यरा भारता .. )

आवडला का प्रभू तुम्हाला ? सांगाना बंधुनो !

का मग त्यांचे प्रेम न वाटे बोला   सुखसिंधुनो ! ॥धृ0॥

देवावर जरि प्रेम असे तरि घरदाराचे पिसे ।

असते ऐसे कसे मनातुनि ? लोभ मोह  का   दिसे ॥१॥

हा माझा हा परका गमतो यातचि वय जातसे ।

इंद्रिय - आसक्तीच्या योगे    चंचल    मन  खातसे ॥२॥

कधिकाळी सतचर्चा होता जरा वेळ हा कसा ।

जातो ना जातो तो    शिरली   द्वैताची    अवदशा ॥३॥

अपुले वर्णन करण्यासाठी देव देव बोलता ।

स्वार्थाने अति धुंद होऊनी का मग काळा भिता ? ॥४॥

काय करिल ते हरि करिल हे तोवरची साजिरे ।

तुकडयादास म्हणे अंगाशी दुःख   न   आले    पुरे ॥५॥