( चालः छम छम बाजे पायलियाँ . . ) 

अवघड प्रभुची वाट गड्या रे । 

विरळा चढतो घाट गड्या रे ! ॥धृ०।। 

कोणी यज्ञ करी , तंत्र - मंत्र जपी । 

कोणी पारायणे , साधताती तपी । । 

तरी सोडेना काम , आवरेना हे भान , 

हे    फोडती   बंध    कपाट   गड्या   रे ! ॥१॥ 

भक्ति - भावाने किर्तने - भजने करु । 

संत - संगि बसू , उपदेश स्मरु । । 

वेळ मिळता जरा , करि स्वारी पुरा । 

या मनाची बिकट ही   लाट   गड्या   रे ! ॥२॥

योग म्हणती करा , तोहि केला बरा । 

खेचरी , भूचरी , लावली मूदरा । । 

परि नाही गति , स्थीर नाही मती , 

साधकाचा असा   हा   थाट   गड्या   रे ! ll३ll

होय गुरुची कृपा , मार्गसाधेल पा । 

सहज साधे हरी , भेट देईल पा । । 

गुरु - बोधे मिळे , सर्व काही कळे , 

ऐसा तुकड्याचा अनुभव , दाट गड्या रे ! ॥४॥ 

- चिमूर , दि . ०३ - ११ - १९६१