( चालः छम छम बाजे पायलिया . . . ) 

चट् चट् उचला पाय गड्या रे ! 

वेळ नसे मग ती मागुता रे ।। धृ ।। 

वासना बावरी , विषय हे सोडिना । 

आयु सगळी दिली , पूर्णता मानिना । । 

भोग भोगा किती , तृप्त नाही मती , 

त्यास त्यागाविणा , न उपाय अता रे ।। १ ।। 

बाळपण खोविले , तरुणपणहि तसे । 

बघता - बघता अता वृध्दपण येतसे । 

गति नाही बरी , अंत होता तरी , 

हा खेळ फुका , मग   जाई   अता रे ।। २ ।। 

अंध होऊ नका , स्वार्थ साधावया । 

त्या यमाचे घरी , थोडि नाही दया । । 

कर्म तो पाहतो , शिक्षा ठोठावतो , 

दास तुकड्या म्हणे हे काय अता रे ? ॥ ३ ॥ 

                            - वरोरा , दि . ०३ - ११ - १९६१