( चाल : गौळणी सांगति गाऱ्हाणी ... )

गवसला कृष्ण जया हाता तया मग राहिली काशि चिंता ? I

झाला तो जिवभावा परता  निरसली मोह माया ममता ॥धृ0॥

जग त्याला जगचि ना भासे

दिसे सारे कृष्णरुपचि विलसे ।

कुठली त्या देहाची रे  अहंता ॥ तया 0 ॥१॥

कृपा करी गुरु येऊनि खासे

जरि लाभे कोणासी भाग्य ऐसे ।

जसा कोणी पार करि सरिता

तरला तो  झाला   भवापरता ।। तया 0 ॥२॥

तुकड्याची आस पुरी झाली

भेटली त्या ऐकायासी मुरली ।

जीव झाला निर्भय रंगी रंगता ।। तया 0 ॥३॥