(चाल : राजहंस माझा निजला...)

श्रीहरी भेटवा कोणी, त्या बसविन  हृदयस्थानी ।।धृ०।।

त्या पहाया नेत्र भुकेले, कर्ण हे तीक्ष्ण किति झाले ।

जिव जरा उरी ना मानी, त्या बसविन हृदयस्थानी ।।१।।

ह्या सुंदर वृक्षाखाली, मी पाहिन तो वनमाळी ।

सांगेन जिवाचि कहाणी, त्या बसविन हृदयस्थानी ॥२।।

ह्या झुळंझुळ ओढ्याकाठी, मज दिसेल तो जगजेठी ।

धावूनि मी केविलवाणी, त्या बसविन  हृदयस्थानी ॥३॥

ह्या  सुरम्य गुंजातळुनी, मी गाइन हरिला गाणी ।

तुकडया म्हणे पूजिन ध्यानी, त्या बसविन हृदयस्थानी ॥४॥