(चाल : रागे कशाला भरलिस राधे..)

वाजविना बासरी कन्हैया ! काहि सुचेना मला ॥धृ०॥

शुध्दचि गेली या शरिराची विरली भावना संसाराची ।

मनमोहन व्यापला मोहन व्यापला मोहन 0 ॥१॥

जिकडे पहावे तिकडे मुरली मुरली वाचुनी चैन न उरली ।

जीव बावरा झाला बावरा झाला   बावरा 0 ॥२॥

काही म्हणो कोणी मज आता सोडुचि ना वाटे भगवंता !

कृष्ण मनी संचला  मनी    संचला   मनी 0 ॥३॥

तुकड्यादास म्हणे त्या नादे मन उन्मन झाले आनंदे ।

जीव भाव निरसला भाव निरसला   भाव 0 ॥४॥