( चाल : गौळणी सांगती गाऱ्हाणी .. )

चलाना ग अपुलिया अंतरंगा भेटावया जिवलगा पांडुरंगा I

सोडूनिया बाहेरचिया रंगा नाचू खेळू हरिच्या आत्मरंगा ॥धृ॥

निर्मळ हदयी या बसवाया भक्तिचे सिंहासनी न्याया I

चिन्मय ज्योति ओवाळू तया ॥१॥

कटावरि ठेवुनिया हात उभा करु आपुल्या हृदयात ।

पितांबर झळके लखलखीत फाकतसे तेज या नभा आत ॥२॥

गळ्यामधी माळा ती वैजयंती मुयराचे पंख मुकुटावरती ।

पाहतांना हरपे मन-वृत्ती ॥३॥

चला चला सोडूनी विषयाला पाहू सखा सावळा

बंसिवाला ।

विसरुनी जाऊ या शरीराला तुकड्याचा भावचि देव झाला ॥४॥