(चालः खुलविते मेंदी माझा रंग...)

कुणाच्या शरीरावरती चौर का डुलावा हो ?

कुणा कासयासी शोक ? सगळे    सारखेची   लोक ॥धृ 0॥

कुणी शेतीवाडी करी कुणी खादी विणती सारी ।

कुणी कष्टवोनी सगळ्या का   स्वये    फुलावा    हो ? ॥१॥

कुणी बुध्दिच्या आधारे अज्ञ जना शिक्षण देती ।

म्हणुनि काय तो   उपयोगी     विशेषे     तुलावा    हो ॥२॥

कुणी मानवांची सेवा अन्य प्रकारांनी करिती ।

म्हणानि नीच समजुनि त्यासी कुणा का सलावा हो ? ॥३॥

जगन्नियंत्याने केली सृष्टि सारखीच सगळी I

म्हणे दास तुकडया रिपुही - उगिच का खलावा   हो ? ॥४॥

         बुलढाणा - प्रवास दि . २१- ०३- १९५५