(चालः मानवांनो माणुसकीला जागा...)

आम्ही आपुल्या भरवशावर जगतो

सांगा कोणता शहाणा हे म्हणतो ? ॥धृ 0॥

जिवनाची सामुग्री सारी । काय एकट्याने होतसे पुरी |

सेन्यावाचूनि राजा    का    बनतो ? ॥ सांगा 0 ॥१॥

माझे सुंदर शोभले हे घर । फळाफुलांनी आणली बहर ।

यासाठी    एकटा    का    श्रमतो ? ॥ सांगा 0 ॥२॥

कुणी शेतीचे पुरविती अन्न । कुणी देई अन्न शिजवून ।

मीच     सर्व    निर्माण   हे    करतो ? सांगा 0 ॥३॥

नेसायासि उंच धोतर I विणले हे भरजरीदार ।

हे  सर्व     आम्ही     का    करतो ? ॥ सांगा 0 ॥४॥

हे सगळयांनी मिळुनी केले I ते सगळ्यांच्या कामासि आले I

अभिमानाने आम्हीच का तनतो ? ॥ सांगा 0 ॥ ५॥

दुसऱ्याचे घेता सुख वाटे I परी देतांना का यावे काटे ?

दास तुकडया म्हणे सगळा भ्रम तो ॥ सांगा 0 ॥६॥

        _ नागपूर दि .३०-०३-१९५८