(चालः दिवाना बनाना हो तो...)

हस एकदा तरी हस  रे !   कुंजविहारी ! ।

त्या गोजिऱ्या रुपाची मज लागु दे तारी ।।धृ०।।

कंठात वैजयंती, कानात कुंडले ती l

शिरि मोरमुकुट झळके, किति केस कुरळ ही ती ।

किति गोड नेत्र हे,  अधरी   सुरस   बांसरी ।।१।।

बघताचि तुझी वाट, जिव हा वेडियापरी ।

बेचैन सदा राही,   मन   वृत्ति    बावरी l

सलास तसा  बोल  सख्या !   एकदा   तरी ।।२।।

मन बावरे अता हे तव ध्यान सोडि ना ।

बैस जन्मजन्मिचीही, ती हरलि कल्पना ।

तुकड्यास पदी घे अपुल्या, आस कर पुरी ।।३।।