(चालः शिणले हे नेत्र माझे...)

आवडली भक्ति आम्हा, हरिचीया पायिची ।

त्याविण ना सूख वाटे, या   देहा   अन्यची ।।धृ०।।

तुटकीशी झोपडी ही गमते महालापरी।

जव नांदे भक्ति-भावे, माझा   तो   श्रीहरी ।।१।।

कुंपण अणि बोरिबारी, गमतो हा बागची ।

तुळशीची दाट झाडी, शोभा ही   स्वर्गिची ।|२।।

अम्हि हरिचे म्हणविताना, बहुमाना पावतो।

ऐश्वर्य फोल सारे, त्याविण   ते   समजतो ।।३।।

जरि न मिळे अन्न खाया, ल्यायासी चिधडी ।

तुकड्याची रंगि रंगो, हरि - भक्ती  चौघडी ।|४।l