(चालः श्रीधरा ! बोल हे काय पाप..)

श्रीहरी  ! कोठवरि अता फिरविसी वाया ?

जाहलो श्रमी बहु नका   दावु   ती   माया ॥ श्रीहरी ! ॥धृ0॥

राहुनी प्रपंची जिवा नसे सुख काही I

करिताचि कष्ट बहु शिणलो या भव-डोही ॥ श्रीहरी ! ॥

पाहुनी द्रव्य - सुत - दार वैभवा ऐशा ।

भटकला जीव हा न सुटे घरची आशा ॥ श्रीहरी ! ॥

मागता भीक श्वानासम पोटासाठी I

हे हीन कर्म मारिते आडवी काठी ॥ श्रीहरी ! ॥

( अंतरा ) नच द्रव्य कधी घेउनी पाहिले डोळा ।

कष्टला जीव मम सर्व सोशिता ज्वाळा ।

घरधनी कशाचा घरचा बाइल - साळा ।

हा नर-जन्मांचा काळ लोटला  वाया ॥ जाहलो श्रमी 0 ॥१॥

कुणि बरे पाहिना जावे दुसऱ्या दारा ।

काय सांगु वैभव ऐशा या परिवारा ? ॥ श्रीहरी ! ॥

तरि तुझे नाव मम न ये मुखी भगवंता ! ।

श्रीगुरु - कृपेने आठवला गुणवंता ! ॥ श्रीहरी ! ॥

आठवता ऐसे वाटे मज ते काळी I

फेडील पांग हा येउनिया वनमाळी ॥ श्रीहरी ! ॥

(अंतरा) ते मधुर बोल ऐकवशिल श्रवणी कधी ।

येउ दे दया मम शांतवि अपुल्या मधी ।

ऐश्वर्य जाउ दे मज घे आपुल्या पदी ।

तुकड्यास ठाव दे श्रीसद्गुरुच्या पाया । जाहलो श्रमी 0 ॥२॥