(चालः अगर है ग्यान को पाना...)

शिकविते ज्ञान का गीता, बना हो सर्व संन्यासी ? ।

सोडूनी धर्म हे सारे, घरामधि झोप घ्या   खाशी ॥धृ०।l

वाहवा ! अर्थ करणारे, अणि लोकांसि वदणारे ।

भ्याडयण लावुनी सारे, राष्ट्र   हे   लावले    फाशी ॥१॥

वीरांना भक्ति लावूनी, टाळ देऊनिया हाती।

पिटविले टाळके त्यांचे, बनवुनी दास अणि दासी ॥२॥

अर्थ या भक्ति-ज्ञानाचा, असा नाहीच कोठेही।

मेलियापरि जगी रहावे,  वाढवोनी   उरी   खासी ।।३॥

गीता हे सांगते सर्वा, लढा अन्याय-प्रतिकारा ।

प्रभू हा साथ दे सर्वा,    धर्म   हा   श्रेष्ठ   सर्वासी ।।४॥