( चाल : तुम्हारे पूजनको भगवान ... )

जग हे गुणकर्मांची खाण मिळेना दुसऱ्याला मुळी मान ॥धृ0॥

ज्याने द्यावे त्याने घ्यावे अपुल्या दैवे लेणे ल्यावे I

नाही तरी व्यर्थ   हा   प्राण ! मिळेना 0 ॥१॥

कोणी ढोंगी पुढती येती शेवटि मोठी होय फजीती ।

जन फेकी   निंदेची   घाण । मिळेना0 ॥२॥

दिसती पाय पाळण्या आंत परि ते दाविति अपुली जात ।

लपेना   देउनियाही   दान । मिळेना0 ॥३॥

तुकड्यादास म्हणे सर्वांसी सादर व्हावे सत्कर्मासी ।

तेव्हा धाडिति देव विमान । मिळेना0 ॥४॥