(चालः आशक मस्त फरकीर हुवा...)

हरिनाम जपा मन लावुनिया, मग मोक्षसुखा किति वेळ अशी ? ॥धृ०॥

अति दुर्जन हे रिपु टूर करा, जे काम क्रोध मद-लोभ अति ।

गुरुपायि चला हृदये नमुनी, मग मोक्षसुखा किति वेळ अशी ? ॥१॥

रोज करा अभ्यास सदा, जी वेळ मिळे जो काळ मिळे ।

अति प्रेमभरे विरहे प्रभु गा, मग मोक्षसुखा किति वेळ अशी ? ॥२॥

सत्य सदा वदनी वदणे, समजा सम सर्व जिवा प्रभुच्या ।

अति निर्मळ गोड रहा जगती, मग मोक्षसुखा किति वेळ अशी ? ॥३॥

मान असो अपमान असो, निति - धर्म न सांडुूनि जाउ कुठे ।

तुकड्या म्हणे निश्चय घ्या ऐसा, मग मोक्षसुखा किति वेळ अशी ? ॥४॥