(चाल: कशी मोहनि घातली ...)

अम्हि दास तया श्रीहरिचे राहणार बहूुता दुरिचे ॥धृ0॥

आईबाप ब्रह्मभुवनासी खेळवी जगी आम्हासी ।

परि सुत्र    तयांच्या   करिचे । राहणार0 ॥१॥

आम्हा देह - भाव मुळि नाही दिसतो हा भासचि पाही ।

तो नटवि अम्हा   परोपरिचे । राहणार0 ॥२॥

नच पुरुष - लक्ष्मिही काही नच भिन्न भास हा राही ।

निपजलो मुळीच्या    घरिचे । राहणार0 ॥३॥

प्रभुची त्या अघटित माया दाखवितो जनलोका या ।

तुकड्या म्हणे भेद हे वरिचे । राहणार0 ॥४॥