( चालः गाडीवाले गाडी धीरे हाक रे . . . ) 

सत् गुरुचे ध्यानी चित्त रंगु दे । 

मना ! विषयासी सदा भंगु दे ! । । धृ० ॥ 

काम क्रोध हे शत्रु समजुनी , त्याग आपुल्यातुनी । 

मोह - मदाला थार न देई , राही सदा सद्गुणी । । 

भक्तिमार्ग हा गोड समजुनी, त्यासि अंगि रंगू दे ।। १।। 

खळ - निंदक जे असतिल कोणी, दूर राहि आपुला । सत्संगाच्या सानिध्याची रुची असू दे तुला । । 

तरिच पावशील प्रभू - पदाला, वृत्ति न उल्लंघु दे ।। २ ।। 

सुंदर राहणी , सुंदर पाहणी , हो सुंदर तू सदा । 

कधी कुणाच्या उगीदुगीची , घेउ नको आपदा । । 

तुकड्यादास म्हणे हे चिंतन , अंतरंगी     गुंज दे । । ३ । । 

- दिल्ली , दि . ०७ - ०८ - १९६०