किती वेळ तुला दुख सांगावे ?
( चाल : दिल लुटनेवाले जादूगर . . . . )
किती वेळ तुला दुख सांगावे ?
तुज कळतचि नाही काय हरी ?
तुज वाचुनी कोण अम्हा दुसरे ?
ही सर्व पुराणे गाई हरी ! ॥धृ०॥
जाउनि घरडावे . व्यापासी ,
अणि तूहि तसा करशील जिवा ।
मग शेवटची ही हाय करी !
तुज कळतचि नाही काय हरी ? ll१।।
जंव संताचा उपदेश मिळे ,
की प्रभू - भक्तचि हे सर्व कळे ।
जिव ओवाळुनिया तुजवरती ,
हे दृढ धरिले रे पाय हरी ! ll२ll
एक वेळ तरी दे दर्शन तू ।
ती बंसि धरोनी अधरासी ।
तुकड्या म्हणे , कर्ज फिटे अमुचे ।
दे झडकरी अपुली राय हरी ! ॥३॥
- कापसी , दि . ०९ - ०९ - १९६०