(चाल: वनवासी राम माझा...)

तरूणांचे बाहुबल हे असते देश रक्षणा ।।धृ0।।

कोणि ना छळो कोणाला, हीन-दीन अणि गरिबाला ।

सारखीच बाला - अबला, सौख्य   जीवना ।।१।।

आपुलेपणी विहरावे, कष्ट करुनि फळ भोगावे ।

हाच     दिधला    देवे,   सकळ     सजना ।।२।।

कोणि नसे छोटा-मोठा, का कुणास व्हावा ताठा ?

राष्ट्र जगविण्या दिन कंठा, धरुनि सद्गुणा ।।३।।

बुध्दि-विकासाची थोरी, तोचि होतसे अधिकारी ।

राष्ट्रकार्य करुनी सुखवी  सकल   सज्जना ।।४।।

सर्व हे सुखाने व्हावे, इच्छितसे देव स्वभावे ।

दास सांगतो तुकड्या   हे,  आठवा    मना ।।५।।