कुठवरी झोके द्यावे तरी ? ।।२।।

बहु चालक है तुला म्हणोनी, तुझी अवस्था अशी ।

असे हे गमते मम मानसी l

जो तो अपुल्या करी मनाने, झाली अनावर खुशी ।

न येती एकजागी फारशी ।।

मीच शहाणा म्हणोनि जो तो,अपुल्या जागी बसी ।

त्यामुळे तुझी दशा ही अशी ।।

पण जर का ही वाढेल बिमारी अती ।

लागेल काळीमा सगळ्याच्या भोवती ।

घालतील माना खाली भ्रमवुनि मरती ।

पुन्हा कशाचे दिवस सुखाचे! वर्षे गेली जरी ।

कुठवरी झोके द्यावे तरी ? ।।३।l

जगच्चालका ! नवस आमुचा, बाळ सुखी राहु दे ।

भाग्य हे डोळाभर पाहु दे ।

घरोघरी आनंद होउ दे, विघ्न सर्व जाउ दे ।

सुखाने मानाने नांदु दे ।।

सर्व पुढारी, पक्ष पंथ हे एक अता होउ दे ।

देश हा  सर्वांना  सेवु   दे ।।

खेळू दे बाळ चमकु दे, तेज मिळवु दे ।

टपणाच्या शत्रूंचि ती नशा  जिरवु   दे ।

फिरवु दे जरा तरि चोहिकडे फिरवु दे ।

तुकड्यादास म्हणे प्रगटू दे, चिन्ह अता तरि बरी ।

कुठवरी झोके द्यावे  तरी ? ।।४।।