(चालः चांदण्यात चालू दे...)

ऐकण्यात येउ दे कि, छळतसे कुणी कुणा l

तसाच धाव सामुरी,   साथ   द्यावया   दिना ।।धृ0।।

भिऊ नको कुणा कधीच, पापियास पाहुनी ।

सत्य जे असेल तेच गर्जु दे ध्वनीतुनी ।।

तोड   दीन - बंधना,  सुखवुनी   गुणी   जना ।।१।।

ऊठ ऊठ साधका ! हीच भक्ति भाविका ।

विसरलेत रीत मित्र म्हणुनि खातसे धका ।।

सांग सांग सज्जना, अशीच  घ्यावी   भावना ।।२॥

विश्व निर्मिले प्रभूनि खेळ खेळू मोकळे ।

मिळुनि सर्व बंधु अम्ही प्रेम वाढवू बळे ।।

तुकड्या म्हणे हेच कळे, तरिच मुक्ति जीवना ।।३॥