येतील दिवस का असे ? मी वाट पाहतो
(चालः अब तेरे सिवा कौन मेरा...)
येतील दिवस का असे ? मी वाट पाहतो ।
प्रभुस अता मृत्यु मागतो ।।धृ०।।
कोणी ना कुणा छळोत दुष्टबुद्धिनी ।
कोणी ना कुणास लुबाडो जनी वनी ।
सरळ हृदय ज्याचे तो मान मिळवितो ।
तो प्रीय होतसे जगात, सौख्यि नांदतो ।।१।।
भासती असत्य तया सर्व हाकती ।
चोरी लबाडी ना करी जो त्यास मानती ।
जो शुद्ध नम्र राही, या जनास मान्य तो ।
म्हणे कष्ट करु देव स्मरु धन्य धन्य तो ।।२।।
नि:स्वार्थि लोक राज्य करी भारतावरी ।
ज्या दिव्य तेज तोच धर्म कर्म सावरी ।
तुकड्या म्हणे मी त्यास रामराज्य बोलतो ।
नाहीतरीच व्यर्थ जिणे, देव दावतो ॥३॥
- अमृतसर रेल्वे, दि.०८-११-१९५५