( चाल : आरती करो हरिहर . . ) 

सांगना कुणा सांगावे ? दुःख जिवभावे , कुणी ऐकावे ? 

तुजविणा कुणाकडे जावे ! ॥ धृ० ॥ 

संसाराचे दुःख सहेना , अती कष्ट करुनीहि पुरेना ।

कोणि न देती साथ शेवटी , आपणची भोगावे । 

तुजविणा कुणाकडे जावे ? ॥ १ ॥ 

स्वार्थासाठी धावूनि येती , मित्र म्हणवुनि अपुले होती । 

प्रसंग येता दुःखद कसला , कोणि न देति पुरावे । 

तुजविणा कुणाकडे जावे ? ॥ २ ॥ 

ऐसिच ही दुनियेची रीती , कळली अनुभव घेता नीती । 

तुकड्यादास म्हणे सद्गुरुसी , वाटे जिव उधळावे । 

तुजविणा कुणाकडे जावे ? ॥ ३ ॥ 

- नागपूर , दि . ०९ - ०३ - १९५५