(चाल: हिंदभूष्या लेकरा ।...)

आयु ही अनमोल पण, झगडे कराया का दिली ?

न्याय मिळण्या झगड पण स्वार्थास जावे का बळी ?॥धृ०।l

मोह सत्तेचा धरोनी,

ढोंग   सेवेचे   करी ।

जनता जरी फसली तरी, उलटेल सारे   लागली ।।१॥

चोर जरि साधू  बने  तरि-

किति दिवस लपवीतसे ?

काक हंसाचे स्वरुप घे, का छटा टिकते  खुली ?।।२।।

मासुळीचे रुप धरुनी,

पोहतो मांनव  जरी ।

किति वेळ चाले हे असे ? येईल मुळच्या पाउली ।।३।।

म्हणुनि म्हणतो मानवा ।

तू समज मानवता पुरी ।

तुकड्या म्हणे सार्थक करी, पण ओळखी घे आपुली ।।४।l