(चाल: ये देखो जला घर किसिका)

किती आवरा या मनाला पूर्णता देईना साधनाला ।

मूर्ति पूजा करी ध्यान घे अंतरी तरी स्थिर ना बसे आसनाला ॥धृ0॥

कुणी भस्म लावोनी अंगा कुणी वाचताती अभंगा ।

कुणी नाचती कुणी हासती या गंगेतिरी देवळाला ॥१॥

कुणी माळ घालोनी कंठी कुणी लाऊनिया लंगोटी ।

कुणी यज्ञा करी योग यागा धरी परि शांती नसे त्या जिवाला ॥२॥

सर्व केले तरी शांति नाही साधना साध्य नाही जराही ।

दास तुकडया म्हणे सद्गुरुच्या विणे पूर्णता येईना ही तयाला ॥३॥

प्रेमकुटी मुंबई दि. २५ - ०९ - १९६३