राष्ट्रधर्म पाया विश्वाचा , समज येवु दे तुला
( चाल - हरिभजनाची रूच्या जयाच्या . . . )
राष्ट्रधर्म पाया विश्वाचा , समज येवु दे तुला ।
सुधर ये ! असशिल जरि विसरला ! ! | | धृ० ।।
राष्ट्रासाठिच उभे सर्वहि देव - देवता दिसे ।
दुसरे कारण त्यांना नसे ॥
बघना जावुनि जरा मंदिरी , धनुष्य घेऊनि कसा ।
उभा तो रामचंद्र सतत सा ।।
लक्षुमणा सहितहि वीर , हनुमंत गदा घेउनि ।
उभे जणु सतर्क अपुल्या मनी ।।
त्यागमूर्ति शिव - शंकर सजला नाग - त्रिशुल हे करी ।
स्वारि जणु शत्रूवरी . . . ॥
( अंतरा ) ते चक्र - सुदर्शन घेउनि धावे रणी ।
तोचि ना पाहि भगवान कृष्ण लक्षुनी ।
रथ चक्र पुरेना , तया फेकि तडपुनी ।
तू कसला रे ! बनुनि नेभळा पाहतो भांबावला ।।
सुधर ये ! असशिल जरि विसरला ! ! ॥ १ ॥
ही बघ दिसते व्याघ्रावरती आदिशक्ति माऊली ।
घेऊनी कट्यार उभी जाहली ।।
मुंडमाळ घालुनी गळ्यामधि रक्ताने व्यापली ।
मारण्या दुष्टा सरसावली । ।
हा बघना नरवीर शिवाजी , छत्रपती चमकला ।
देवीचा सुपुत्र जणु गाजला । ।
( अंतरा ) अरे ! कश्यासाठि ही उग्र तपस्या तरी ।
महाराणा फिरला कोणास्तव भूवरी ।
हा परशुराम - बलराम पाहिना तरी ।
देशासाठिच ना हे लढले ? सुखी कराया तुला ।
सुधर ये ! असशिल जरि विसरला ! ! ॥ २ ॥
स्वातंत्र्यावर गदा आलि तर , जगणे कसले तुझे ?
अग्नि जणु सगळा घेउनि विझे ।
कोणि पुसेना तुला म्हणोनी सावध होई कसे ।
बघुनि घे दाहि - दिशे साहसे । ।
सर्व त - हेने सज्ज राहुनी उभा तरी हो नरा ।
तरिच तू शोभशील भूवरा । ।
( अंतरा ) नच मारि कुणाला परि न मृत्यु हो तुझा ।
लागु दे तिडक ही गेल्याचि काळजा ।
करि जागृत ही मानवता आणि पुजा ।
मेळ घालुनी जगशील तरि तू म्हणुनि बोल हा दिला ।
सुधर ये ! असशिल जरि विसरला ! ! | | ३ | |
बलवानासी पराक्रमाने लढण्याने मित्रता ।
होतसे शिक्षण घे हे अता । ।
शांति तुझी तर शांति आमुची , नम्र तुझ्याहुनि अम्ही ।
अशी धर्माची अमुच्या हमी । ।
चढशील जरि तू हिमालयावर जरा सहन होईना ।
पाय बघ पुढे जरा घे पुन्हा । ।
( अंतरा ) त्या पुण्यशिलाचे तत्त्व तयाचे करी ।
तो गेला करुनी शांति जगाच्यावरी ।
परि परिवर्तनशिल असे वृत्ति बावरी ।
तुकड्यादास म्हणे अम्हि तसले नाहित रे समजला ।
सुधर ये असशिल जरि विसरला ! ! | | ४ | |
- श्रीगुरुदेव मासिक मार्च १९६०