श्रीगुरु आडकुजी ! निज चरणी मला घ्या हो !
( चाल : गुरुनाथ निरंजन हो . . )
श्रीगुरु आडकुजी ! निज चरणी मला घ्या हो ! | | धृ० ॥
दारिद्रे पीडलो मी , का दास उपेक्षा हो ?
आवडे तुम्हा ऐसी ही निष्ठुरता का हो ?
तोडोनी भ्रम सारा तत् पदी नाचवा हो ! ॥ १ ॥
सांगती श्रुती महिमा गुरु देवाही पार ।
नेति - नेति बोल जेथे , मग माझा का भार ?
परि तुम्ही लक्ष ठेवा , साठवा की संसार ।
ब्रीदासी शून्य घाला , वाढवा की डंभर ॥ २ ॥
श्रीगुरु सखा माझा , असशील पूर्ण तू गा !
कासया करू चिंता मग मीच कशाची गा ?
पण मला कृपा देई , मागणे हेचि दे गा !
बा ! कंठ दाटलासे , की प्राण चालला गा ! | | ३ | |
वरखेड गावी त्राता ! मांडले स्थान कैसे ।
भक्तासि पाळितो गा ! का हाचि तुला न दिसे ?
बैसला स्वये तेथे , कौतुक हे पाहतसे ।
तुकड्यास ठाव देई , मागणे तुला ऐसे ॥ ४ ॥
- गुरुदेव गीतांजली