( चाल : सुजन हो परिसा . . ) 

गडे हो कृष्ण गडी अपुला , राजा मथुरेचा झाला ।। धृ० ।। 

कांबळ खांदी हाती काठी , वाजवी पावा धरुनी ओठी । 

कसा अता विसरला । । राजा ॥ १ ॥ 

चोरीत होता दही दुध लोणी , फोडीत होता मडकी धरोनी । 

कसा अता विसरला । । राजा ॥ २ ॥ 

यमुने काठी खेळीत होता , गाई गोपिका जमवीत होता । 

कसा अता विसरला । । राजा ॥ ३ ॥ 

पीतांबर सुंदर जरतारी , मयुर पिसारा शीरि मनहारी । 

कसा अता विसरला | | राजा० ॥ ४ ॥

तुकड्यादास म्हणे हा भुलला , सोडुनि आम्हा मोठा झाला । 

चला धरू रे त्याला । । राजा0 ।। ५ ।। 

- जीवन जागृती १९४८ ९९९ भजन