सदा तुझ्या चिंतनी रहावे, वाटे गुरुराया!

प्रारब्धाचा भोग चुकेना, भ्रमवी अवनी या॥धृ०।।

सखा सहोदर पाहु कुठे तरि? म्हणतो जिव माझा।

जे भेटति ते स्वार्थी लोभी, कोणि न ये काजा ।।१।।

महाकाळ विक्राळ काम हा, भोवति घे घिरट्या |

संतसंग किति करु कळेना, पळहि न ये वाट्या।।२॥।

जिकडे तिकडे मी मोठा, मी मोठा ही वाणी।

भक्तिवर्म ते न दिसे कोठे, दु:खाची खाणी।।३॥।

तुकड्यादासा तुझा भरवसा, मग कोणी नाही।

सख राख रे ब्रीद. दयाळा ! आलो तव पायी ।।४।।9