श्रीगुरु-प्रार्थना

     (चाल- गुरुनाथ निरंजन हो...)

सद्गुरु माय बापा ! कशी करु तुझी सेवा ? ।

बहुजन्म विसरलो मी, नच मार्ग मला ठावा ॥

अवचित मानवाचा हा जन्म दिला देवा ! ।

रक्षुनी बालकासी    सत् - संग   सदा   द्यावा ॥१॥

तुजविणा व्यर्थ सारे कर्म धर्म जरि केले।

तापसी जपी योगी तुजपाशी स्थिर झाले ।।

तव चरणामृत घेता स्वस्वरू पेसी धाले ।

करि क्रुपा देव-देवा ! मन तुझ्या नामी जडले ॥२॥

ना कळे कळायाचे, हे ज्ञान उगे वाया।

कळुनिया काय झाले ? जरि नावरली माया ॥

ते गुह्य तुझ्यापाशी मार्गास दाखवाया ।

मी उगाच अभिमानी भ्रमतसे श्रमवि   काया ॥३॥

सांग बा ! सांग काही, वाहतो कर्म - धारी ।

मज नसे अधारासी कुणी नाव रोकणारी ॥