( चाल : हटातटाने पटा रंगवूनि ... )

राष्ट्रपित्याची  अमर भावना पूर्ण कराया चला I

चला रे ! सगळे मिळुनी चला ॥धृ0॥

देश जाहता स्वतंत्र आता देशासाठी तुम्ही 

तुम्हात्मा नाहि कशाची कमी ।

हे अपुले ते दुसरे म्हणूनी जिभा विटाळू नका

पहा राव नी रंक सारिखा ।

वीर शिपायी बना लडा जारि संकट आले कुणी

देश हा होऊ न ह्यावा ऋणी ।

( अंतरा ) ही प्रचंड शक्ती युक्ती घ्या पाठीशीं ।

सत्यास नम्र व्हा परि न नमा शुत्रुसी ।

येउ द्या मरण जरि आले या भूमिशी ।

सावधान व्हा करा तयारी सोडुनिया गलबला

चलारे सगळे मिळुनी चला ॥१॥

पहा - पहा हे चारि बाजुनी ऐकुं येते कसे

जीव हा उडू - उडू बघतसे ।

द्वेष कुणाशी नाश कुणाचा चोर कुणाच्या घरी ?

वाहवा ! न्याय घरीच्या घरी !!

ऐकायला कर्ण नको अणि नेत्र बघाया नको

जीव हा वैभव घ्यावा नको ।

( अंतरा ) ही जबाबदारी आली तरूणांवरी ।

भारता रक्षिण्या व्हा सगळे सामुरी ।

अन्याय करु नका पाहू नका यापरी ।

तुकड्यादास म्हणे यासाठिच देह प्रभूने दिला

चला रे ! सगळे मिळुनी चला ॥२ ॥