आम्ही आपुल्या भरवशावर जगतो
(चालः मानवांनो माणुसकीला जागा...)
आम्ही आपुल्या भरवशावर जगतो,
सांगा कोणता शहाणा हे म्हणतो ? ॥धृ०।।
जीवनाची सामुग्री सारी । काय एकट्याने होतसे पुरी ।
सैन्यावाचूनि राजा का बनतो ?॥ सांगा0।l१॥
माझे सुंदर शोभले हे घर । फळाफुलांनी आणली बहर ।
यासाठी एकटा का श्रमतो ? ।। सांगा0।।२।।
कुणी शेतीचे पुरविती अन्न । कुणी देई अन्न शिजवून ।
मीच सर्व निर्माण हे करतो ? I।सांगा0 ।।३॥
नेसायासि उंच धोतर । विणले हे भरजरीदार ।
हे सर्व आम्ही का करतो ? ॥ सांगा0 ।।४।।
हे सगळ्यांनी मिळुनी केले । ते समगळ्यांच्या कामासि आले।
अभिमानाने आम्हीच का तनतो ?॥ सांगा० ।|५॥
दुसय्राचे घेता सुख वाटे । परी देतांना का यावे काटे ?
दास तुकड्या म्हणे सगळा भ्रम तो।। सांगा0।|६॥
- नागपूर, दि. ३०-०३-१९५८