कुणाचा धाक बाळगुनी, आपुला धर्म त्यजता का ?।

नीति ही सोडुनी सारी, प्राण परक्यासी विकता का? ।।धू०।।

आठवा बाळ अज्ञानी, गुरू गोविंदसिंहाचे ।

पुरवि भिंतीमधी त्यांना, न सोडी धर्म तरि ते का ? ।।१।।

सोडता धर्म जरी संभा, न उंचचि राहती डोकी ।

मर्द हा मरती गळ-फासे, न दुसऱ्यासी म्हणे काका ।।२।।

धर्म तो शिकवितो सकळा, अमर हा अंतरी आत्मा |

मराया का भिता ऐसे? ना तरी देह राहिल का? |।३॥।

बाळगा धाक देवाचा, जरी पापे करी कोणी |

आपुल्या सुखस्वातंत्र्या, म्हणे तुकड्या विसरता का? ।।४॥।